2 ноя 2017

Дар ноҳияи Бобоҷон Ғафуров мастер-класс оид ба сихкабоб доир гардид

Афзудани хизматрасониҳои маишӣ, аз ҷумла ошхона ва қаҳвахонаҳо сифати таоми пешниҳод гаштаро зери шубҳа мегузорад. Махсусан, сихкабобҳои дар ҳар кӯчаву хиёбон вомехӯрдаро аз рӯи сураташ баҳогузорӣ намудан имконнопазир аст.
-Сифати сихкабобро танҳо дар вақти тановул аз рӯи таъм ва суръати реза шуданаш муайян кардан мумкин аст,-мегӯяд Парвиз Мавлиддинов, узви гурӯҳи тамосии ҷавонони ҷамоати Овчӣ-Қалъача.
Имрӯз дар ҷамоати Овчӣ-Қалъачаи ноҳияи Бобоҷон Ғафуров бо ташаббуси гурӯҳи тамосии ҷавонони ҷамоати мазкур, мастер-класс оид ба омода намудани сихкабоб баргузор гардид. Дар он, натанҳо ҷавонони Тоҷикистон, инчунин ҳамсолони онҳо аз деҳаҳои Қирғизистон-Мақсад, Интернатсионал ва Қулунду ширкат намуданд. Ҳадаф аз баргузории чорабинӣ, рушди соҳибкории ҷавонон, тақким бахшидани дӯстӣ ва ҳамкории насли ҷавони ноҳияҳои наздисарҳадии давлатҳои ҳамсоя мебошад.   
Бақитбек Қулматов, сокини деҳаи Қулундуи Қирғизистон дар поёни чорабинӣ ба ташаббускорон изҳори миннатдорӣ карда гуфт:
-Аксари  мардуми деҳаамон сихкабобро маҳз аз  Овчӣ-Қаъача харидорӣ мекунанд. Беҳуда набудааст, зеро бо таъм ва мазза фарқ мекунад. Хуб мешуд, агар ҳамкориро ба роҳ монда, дар ин ҷода мубодилаи таҷриба намоем, зеро ин самт имрӯз тиҷорати сердаромад ба ҳисоб меравад.  
Дар рафти мастер-класс иштирокчиён оғоз аз интихоби маҳсулоти гӯштӣ то технологияи омода намудани сихкабоб маълумот пайдо карда, худ низ ба шаклдарории сихкабобро таҷриба карданд.
Мастер-класс аз ҷониби Ассотсиатсияи зиёиёни илмӣғтехникии Тоҷикистон бо маблағгузории Барномаи Рушди СММ Тоҷикистон дар доираи лоиҳаи "Тақвияти ҳамкории ҷавонон дар ноҳияҳои наздисарҳадии Тоҷикистону Қирғизистон" доир гардид. 

        

Другие новости

11 сен 2020

Пандемия, как причина рост домашнего насилия

Распространение вируса COVID-19 в Таджикистане, в частности в Согдийской области послужил возрастанию число случаев домашнего насилия. Одним из причин проявления агрессий в семьях является пандемия. Таким образом, опыт показывает, что среди населения растет синдром выгорания, агрессия, паническая атака.

Регионы деятельности